शुभकामना

छुटेका चप्पल चुँडाइदिन सँगै कुदेकाहरुलाई शुभकामना
टालेको छानो चुहाइदिन ढुङ्गा हान्नेहरुलाई शुभकामना

हिजो मलाई घृणा गर्थे आज सक्ने भएछु नजिक आएका छन्
थाहा छ तानेरै भएपनी पछि पार्छन् उनीहरुलाई आजै शुभकामना


आज मिलाइएका यी हातहरु भोलि बिदाइमा नहल्लिएलान् भन्न सकिन्न
भोलिहरु पिडादायी बनाउन बन्दै गरेका यी यादहरुलाई शुभकामना

प्रेमको भाषा थरीथरी रहेछ यता आमा कुरिरहेछिन् उता उनी कुराइरहेछिन्
माया एक नाटक सिद्ध भयो पुनः मंचन गरिरहेकी उनीलाई शुभकामना ।

 



Comments

Post a Comment

Popular posts from this blog

मलाई बा सम्झाइदिनु

Image
मैले खाएको थाल उठाउन बिर्सें भने बा ले पातमा खाएको सम्झाइदिनु जतन गरि खान जानिन भने बा लाई खान नपाएर लागेका रोग सम्झाइदिनु केही गरि आफ्ना कर्तव्य भुलिदिएँ भने त्यो पाखोमा बा ले मलाई हुर्काएको सम्झाइदिनु जिन्दगी न हो, कोशिश गर्दागर्दै हार खाएँ भने बा ले हारेर पनि जितेका कहानी सम्झाइदिनु मन गर्हौँ भएर आँसु झर्न सकेनन् भने एकान्तमा बा रोएको सम्झाइदिनु प्रिय तिम्रो चित्त केही गरि दुखाएँ भने बा को मुटु मेरी आमा सम्झाइदिनु मलाई हर सुख दुख मा बा सम्झाइदिनु हर सफलता अनि हारमा बा सम्झाइदिनु भगवान तिमीलाई यति माग्छु म आफुलाई बिर्सदा होस् या सम्झदा मलाई बा सम्झाइदिनु बा नहुँदा मलाई अरु पर्दैन, कसैले केवल बा भनिदिनु म सबथोक भुलिदिन सक्छु तर मेरा बा र उनका संघर्ष ... अहँ ।
Read more

खुसी

Image
औंसीको रात थियो आकाशमा जुन थिएन घर एकलासमा थियो कुनै धुन थिएन हेरत चुलामा आमा एक्लै मुस्कुराउँदै छिन् आज बाले ल्याएको चामलमा घुन थिएन तिमी किन गहना बिना खुसी हुन सक्दैनौ मैले थाहा पाए देखि आमाको पनि सुन थिएन ।
Read more

नशा

Image
अचेल मलाई यो नशा आफुभन्दा निकै प्यारो लाग्छ सायद त्यती प्यारो बिगतमा म आफैँ आफ्नो लागि थिइन अनि म आफुलाई सबैभन्दा बढी प्रेम गर्ने मान्छे आज यो नशाले मेरै आत्मप्रेम घटाएको छ नघटाओस् पनि कसरी जबकी त्यही नशा मै आफूलाई पाउन थालेको छु मलाई मेरो आफ्नै पहिचानबाट अलग्याएको छ नअलग्याओस् पनि कसरी जब त्यही नशा नै मेरोलागि पहिचान बनेको छ म मेरो नशासँग यति नजिक भएको छु कि सायदै त्यति नजिक मसँग मेरा भावनाहरु छन् जसरी हावा आफ्नै बेगमा बहिरहेको छ त्यसैगरी म मेरो नशामा बहिरहेको छु कहिले प्रेमिल रुपमा स्थिर गतिमा त कहिले आँधी जस्तै कठोर शैलीमा त्यति गहिराइ त सागरको पनि नहोला जति मेरो नशाको डुबाइमा हुने गरेको छ मेरो नशामा रहेको सदाबहार बगाइ देखेर नदीहरु थाक्न थालेका छन् नशामा झुमेको शान्त मलाई नियाल्दै मोती झैँ टल्किएका हिमालहरु एकोहोरिएका छन् ती चिरबिर आवाजसँगै गुन्जिएका भयानक जंगलहरु नशामा बिक्षिप्त मलाई नियालिरहेका छन् आफ्नो अस्तित्व जोगाउन आफ्नै नशासँग लडिरहेको म प्रत्येक पल नशा मै विलय भैरहेको छु नशाबाट बाहिर निस्किन नशाभित्रको उचाइ छोएको म नशामा यति तल्लिन छु कि म आफैंलाई यकिन छैन आखिर यो नशा कस्तो...
Read more